რამდენიმე დღის წინ twitter-ზე ბოლივუდის მსახიობმა რიჩა ჩადჰამ, რომელიც როგორც ირკვევა, საქართველოში ფილმის გადაღებაზე იმყოფებოდა, დაწერა, რომ საპასპორტო კონტროლის გავლისას ოფიცერი მას რასისტულ ნიადაგზე უხეშად მოექცა.

"საქართველოს დატოვებისას რასისტ ოფიცერს შევხვდი საპასპორტო კონტროლზე. ჩემი პასპორტი ორჯერ დაახეთქა მაგიდაზე...რაღაც ჩაილაპარაკა ქართულად, დამიყვირა და მითხრა ავჩქარებულიყავი. სამწუხაროა, რომ მისი მსგავსი ადამიანები არიან ისინი, ვისაც ქვეყნის დატოვებისას ვხედავთ." დაწერა მან.

პარამჯიტ ბერვალი ბიზნეს კონსულტანტი და მოწვეული ლექტორია ინდოეთიდან. მისი ნაშრომები ქვეყნდება საერთაშორისო აკადემიურ გამოცემებში. პარამჯიტს მუდმივი ცხოვრების ნებართვა აქვს საქართველოში, სწავლობდა მაქს პლანკის ინსტიტუტში, ჯორჯ ვაშინგტონის უნივერსიტეტში, ოქსფორდის უნივერსიტეტსა და WIPO აკადემიაში.

სალომე ზანდუკელის ისტორია საზოგადოებისათვის ცნობილი მას შემდეგ გახდა, რაც მან ღიად ისაუბრა იმის შესახებ, თუ როგორ გახდა ძალადობის მსხვერპლი. ის პროფესიით ჟურნალისტია და მუდმივად იბრძვის ადამიანის უფლებების დასაცავად.

დალი სოლომონიძე ბათუმის უნივერსტეტის სტუდენტია, პარალელურად, ხელმძღვანელობს ქართველ მუსლიმთა კავშირის ქალთა ფრთას. 2018 წლის 15 აპრილს, საზოგადოებრივი მაუწყებლის გადაცემა „ახალი კვირის" ეთერში გავიდა სიუჟეტი, სახელწოდებით „ქართული ჰიჯაბი", რომელიც ქართველი მუსლიმი ქალების მიერ ჰიჯაბის ტარების არჩევანს ეხებოდა.

სიუჟეტის წარდგენისას გადაცემის წამყვანმა, იმედა დარსალიამ, საფრანგეთის მაგალითი მოიყვანა და აღნიშნა, რომ საფრანგეთის ხელისუფლებამ, სკოლებში ჰიჯაბის (ჩადრის) ტარება რელიგიური ექსტრემიზმის შიშით აკრძალა.

სიუჟეტის შესავალ ნაწილში წამყვანის მიერ საფრანგეთში ჰიჯაბის აკრძალვის შესახებ გაკეთებული განცხადება ფაქტობრივ უზუსტობებს და არასრულ ინფორმაციას შეიცავდა. გარდა ფაქტობრივი უზუსტობებისა, უარყოფით მოვლენასთან რელიგიური ატრიბუტიკის დაკავშირებით წამყვანმა სტერეოტიპის გამყარებას შეუწყო ხელი, რომლის თანახმად, თავსაბური რელიგიური თვითგამოხატვის ფორმას კი არა, რელიგიურ რადიკალიზმს და ექსტრემიზმს უკავშირდება, რაც თავის მხრივ მუსლიმი თემის მიმართ აუდიტორიის ნეგატიურად განაწყობას უწყობს ხელს.

საზოგადოებრივმა მაუწყებელმა აღიარა უზუსტობები, რომელიც დაშვებული იყო სიუჟეტში, თუმცა არ აღიარა ის, რომ სიუჟეტი შეიცავდა რელიგიურ დისკრიმინაციას და ისლამოფობიას.

დალი აღნიშნავს, რომ ეს არ არის პირველი შემთხვევა, როდესაც მედია ახდენს მოვლენების ამგვარ ინტერპრეტაციას.

ნინო ბოლქვაძე, იურისტი და ადამიანის უფლებათა დამცველი პირველია საქართველოს ისტორიაში, ვინც საკუთარი ორიენტაციის შესახებ ღიად ისაუბრა და თვითმმართველობის არჩევნებში მიიღო მონაწილეობა. ხშირად გამხდარა საზოგადოებისაგან თავდასხმის ობიექტი და თვლის, რომ გარკვეულწილად, იმუნიტეტიც კი გამოუმუშავდა ამ თვალსაზრისით.

რუსუდან გოცირიძე საქართველოს ევანგელურ-ბაპტისტური ეკლესიის ეპისკოპოსია 2008 წლიდან. საზოგადოებისათვის კარგად არის ცნობილი მისი აქტივობები ქალთა და ზოგადად, ადამიანის უფლებების დაცვის საკითხებში. 2014 წელს ქალთა საერთაშორისო სიმამაცის ჯილდო რუსუდან გოცირიძეს ამერიკის შეერთებული შტატების პირველმა ლედიმ მიშელ ობამამ გადასცა.

„ეპისკოპოს გოცირიძის დაჯილდოება არის საქართველოს ყველა მოქალაქისათვის სასარგებლოდ შემწყნარებლობის, შესაძლებლობებისა და თანასწორობის უზრუნველსაყოფად გაწეული საქმიანობის აღიარება"- ითქვა მის შესახებ ამერიკის შეერთებული შტატების მიერ გავრცელებულ განცხადებაში.

არი (არმან) ბაქბანი სამი წელია, რაც საქართველოში ცხოვრობს. ის ირანის პროვინცია გიულისტანიდანაა. კომპანია, რომელშიც ის მუშაობს ინტერიერის, ექსტერიერის და გამოფენების დიზაინს ქმნის. არი ამბობს, რომ უყვარს საქართველო და მას საკუთარ სახლად თვლის.